कालीकोट- लेदोसहितको पहिरोले शुक्रबार बेलुकीदेखि अवरुद्ध कर्णाली राजमार्ग सुर्खेत–जुम्ला सडकखण्ड खुलेकाे छ । शनिबार बिहान ६ बजेदेखि दुई वटा मेसिन (जेसीबी) लगाएर कालीकोटको गगने खोलाको सडक सञ्चालनमा ल्याइएको हो।
कालीकोटका प्रहरी प्रमुख डीएसपी टेकबहादुर रावतका अनुसार पहिरोले अवरुद्ध कर्णाली राजमार्ग सञ्चालन गर्न बिहान दुई वटा मेसिन परिचालन गरिएको थियो। गगने खोलामा आएको लेदोसहितको पहिरो पन्छाएपछि एकतर्फी रूपमा सडक खुलेको रावतले बताउनु भयाे । सडक खुलेपछि रोकिएका गाडी गन्तव्यतर्फ लागेका छन्।
