तिलागुफा मतदान सकियो, ६७ प्रतिशत मत खस्यो

कालीकोट–तिलागुफा नगरपालिका वडा ४ को राँचुलीमा मतदान कार्य सम्पन्न भएको छ । ६ सय ९ मतदाता रहेको राँचुलीमा ४ सय ११ अर्थात ६७ प्रतिशत मत खसेको जिल्ला निर्वाचन अधिकारी धन बहादुर मल्लले बताउनु भयो । वडा अध्यक्ष पदका लागि भएको निर्वाचनमा नेपाली काँग्रेसबाट पैल बहादुर शाही, नेकपा एमाले बाट ऐन बहादुर शाही, नेकपा माओबादी केन्द्रबाट नैशोभा शाही, मजदुर किसान पाटीबाट खड्गराज शाही, राष्ट्रिय स्वतन्त्र पाटीबाट गगन बहादुर बम र राष्ट्रिय प्रजातन्त्र पाटीबाट गोगन बहादुर शाहीको उम्मेदवारी छ ।

खड्गराज शाही ०७४ सालका वडा अध्यक्ष हुन् । तिलागुफा नगरपालिकामा ०७४ मा ४ वटा वडामा वडाध्यक्ष जितेको नेपाल मजदुर किसान पार्टीले ०७९ मा दुई मात्रै वडामा पुरानै उम्मेदवार उठाएर चुनाव जित्न सफल भएको थियो । मत गणना कार्य आजै बाट सुरु हुने बताएइएको छ । नैशोभा शाही तिलागुफा नगरपालिका–४ राँचुलीका तत्कालीन वडाध्यक्ष परबहादुर शाहीकी धर्मपत्नी हुन् । परबहादुर शाहीकाे पहिराेमा परी निधन भएकाले त्यहाँ स्थानीय तह उपनिर्वाचन भएकाे हाे ।