कालीकाेट- आज संविधान दिवस तथा राष्ट्रिय दिवसकाे अवसरमा स्वदेश तथा विदेशमा विभिन्न कार्यक्रम गरी हर्षोल्लासका साथ दिवस मनाइँदैछ । २०७२ साल असोज ३ गते संविधानसभाबाट संविधान जारी भएको थियाे । संविधान नेपालको मूल कानून हो । तर यसको कार्यान्वयन पक्ष भने फितलो भएको भन्दै प्रश्न उठ्न थालेका छन् ।
संविधान जारी भएपछि देशमा विकास र समृद्धि आउने आशा र अपेक्षा गरिए पनि त्यसअनुसारको काम हुन नसकेको नागिरकहरुले गुनासाे गरेका छन् । राजनीतिक प्रणाली फेरिए पनि शासकको प्रवृत्ति फेरिन नसकेको भन्दै नागरिक निराश भएका छन् । संविधानले दिएको निःशुल्क शिक्षा, रोजगारी, स्वास्थ्य सेवा, खाद्य सम्प्रभुत्ता, आवास लगायत दर्जनौं आधारभूत हकहरूको आमनागरिकले अनभूति गर्न पाएका छैनन् । मौलिक हकका धारा संविधानमै सीमित भएका छन् ।
यसै बिच कालीकाेटमा पनी आज र्याली सहित बिभिन्न कार्यक्रमकाे आयाेजना गरेर संविधान दिवस बनाउने तयारी भइरहेकाे कालीकाेटका प्रमुख जिल्ला अधिकारी गणेश नेपालीले बताउनु भयाे ।
